آهنگ: Agricantus. Calura. Ciavula.

(Crispi - Acquaviva)

I cosi ca mi retti lu to amuri
traseru 'nfunnu o cori
e si vaju pi pinsari a tia
u sangu m'acchiana.

Vaju giranno sulu 'ntunnu 'ntunnu
e i to manu vaju circannu
ri quannu u tempu s'inchiuvo pi tia
e s'arrubbo u to ciatu.

Ti vaju circannu rispiratu e nun ci si
ri da vota ca pi nuautri u tempu si stagghio
taliu mennuli ciuruti e mari funnuti
viju a to facci tunna tunna e l'occhi to.

Ciavula, ciavula...
Ciavula, ciavula...
arre cu mia si cca.

Taliu d'aceddu ca s'ammisca o celu
e arricanusci a tia
alma ca vola menzu u ventu.

Ammucciannuti rarreri
a na chiuviddicata
unni c'e u suli ca m'arriquaria u cori.

Ora c'addivintasti ciavula
vola leggia leggia 'ncapu o ventu
e no stramentri m'addummisciu lentu lentu
pi 'nsunnarimi ca volu cu tia, volu.

Ciavula, ciavula...
Ciavula, ciavula...
arre cu mia si cca
Ciavula, ciavula...
Ciavula, ciavula...
arre cu mia si cca.